Stuovieja bernelis
Ont aukšta kalneli
Užsiskynis bijūnėli
Viliuoji mergeli.
Ar vedu žanysmud,
Ar rudenia lauksem?
Vuo kor diesma šėmus jaučius
Ar už veiškelelia?
Jautelius ganysma,
Ugneli kūrensim
Žalių rūtų vainikėlį
Ugnij sukūrensim.
Kūrenos ugneli
Ont aukšta kalneli,
Stuov ir mona merguželi
Ronkelis nuleidus.
Cit, neverk, mergeli,
Balta lelijali,
Rytuoj juosu į torgelį –
Perksu vainikelį.
Kad tu ir nupėrksi,
Ale nedieviesu –
Kai uždieja ont galvelis,
Ištėk šiaurus viejas.
Vainikelis prastas,
Rūtų darži rastas,
Kap uždieju ont galvelis
Kai tik rytą rastas.