1.Užgavienės kap atejo,
Daugel svieta prigužieji,
Vaka kaukes užsidieji,
Po meistielį bieginėji,
Uch a čigana,
Mon litelis, tau pupa.
2.Gaidys luoji, šou geiduoji,
Laume ont šloutas atjuoji,
Žyda lito gvaltavuoji
Ir blynielių kaštavoji,
Uch a čigana,
Mon blynielis, tau šluota.
3.Veln’s uožką pasikinkė,
Joji ragana dvilinkė,
Sukos Morė su pūga –
Diejos tikra velniava,
Uch a ožkena,
Sukos Morė su pūga.
4.Linksma šuoka raganaitis
Ir dainiava čiguonaitis,
Uožys pūtė sava ragą,
Meška barškina nuoragą,
Uch a meškina,
Uožys pūtė į ragą.
5.Uo velnelia tiej raguoti
Šuoka ont stuogų skrajuoti.
Jie taip baisia įsidūka –
Dūmai kamine vien rūka,
Uch a velniava,
Tau dūmielis, mon pupa.
6.Ten čiguonė kortom būrė,
Daktarielis špricą dūrė,
Dalgį giltinė galonda,
Kad net vaka išsigonda,
Uch a čigana,
Tau špricielis, mon pupa.
7.Prisisiota, prisidūka,
Sneiga posnys tikta rūka,
Bova nemaža joukų
Ir leičynų visuokių,
Uch a čigana,
Buvo linksma ir gana.
8.Vakarielis kap ateja,
Donguj žvaigždės sužibieja,
Ir žydelia susiėja –
Žydų balius prasidieja,
Uch a kelbasa,
Mon blynielis, tau pupa.
9.Sniega posnys išdulkiėji,
Lašininis pralaimieji,
Kanapinis šit ateji,
Ir gavienia prasidieji,
Uch a kelbasa,
Mon silkeli, tau pupa