Per tėltą juojau,
Nuo žėrga puoliau,
Smiltynelie guliejau.
Aš atsibundu
Pusė naktelis –
Tris raibuos geguželies.
Pri kuojų bruolis,
Pri galvuos sesi,
Pri šalis muočiuteli.
Bruolis lydieji
Pusė keleli,
Sesi lyg veiškeleli.
Vuo muočiuteli,
Jaugintuojali,
Lig šaltųjų kapielių.
Bruolis gailieji
Tris savaitelis,
Sesi trejus metielius.
Vuo muočiuteli,
Jaugintuojali,
Visą sava umžieli.