Par šilą juojau,
Šili šeiną pjuoviau,
Ont kalna kalnuželia
Šeinelį padžiuoviau.
Šeinelis pavyta,
Žirgelis pajilsa,
Vuo kap reiks perplaukti
Per Nemunelį?
Dvi myli pats plaukiau,
Ont trečiuos panieriau,
Žali serbinteli
Krūma insitvieriau.
Tu serbinteli,
Žolusis medeli,
Žadu tave kirsti,
Šakas nugenieti.
Iš pašaknelių
Luoveli dirbdysu,
Vuo iš liemenelia
Margą lingineli.
Tuoje luovelie
Aš patsai guliesu,
Tuoje linginelie
Mergeli lingousu.
Nalingouk tu monis,
Neprašau aš tavis –
Esu seniai išlingouta
Sava muotinelis.